O'Zbek Tilida Frazeologik Graduonimiya

O'zbek tilshunosligida gradatsiya hodisasi til birliklari orasidagi leksik-semantik munosabatni ifodalovchi paradigma sifatida maxsus tadqiq etilgan bo'lsa-da, ushbu hodisaning frazemalarda yuzaga chiqishi kognitiv va pragmatik aspektda tadqiq etilmagan. Demak, o'zbek tilida "frazeologik graduonimiya" hodisasining o'ziga xos xususiyatlarini o'rganish zaruriyati ushbu tadqiqotning muhimligini belgilaydi. Tadqiqotning maqsadi o'zbek tilidagi frazemalarda darajalanish hodisasini ko'rsatish va darajalanish xususiyatiga ega frazemalarning badiiy nutqda qo'llanish doirasini o'rganishdan iborat.